Метадычныя рэкамендацыі для правядзення тлумачальнай працы з грамадзянамі ў рамках праведзення 29 красавіка 2022 года Адзінага дня бяспекі дарожнага руху «Колаў менш - небяспекі больш!» (прафілактыка ДТЗ з удзелам двухколавага транспарту)

З надыходам вясны на дарогах нашай краіны з'яўляецца вялікая колькасць ахвочых «паганяць з ветрыкам». Матацыклы, мапеды, скутэры - двухколавыя транспартныя сродкі, якія па душы аматарам хуткасці. Аднак хуткасцю неабходна ўмець кіраваць. Няўмелае кіраванне двухколавым механічным транспартам і няўважлівасць вадзіцеляў прыводзяць да дарожна-транспартных здарэнняў з удзелам мотатранспарту.

У дадзеных ДТЗ часцяком вінаваты як матацыклісты, якія парушаюць хуткасныя рэжымы руху, выязджаюць на паласу сустрэчнага руху пры абгоне транспартных сродкаў, здзяйсняюць рэзкія перастраенні, так і кіроўцы аўтамабіляў, якія адвыкаюць за зімовы перыяд ад матацыклістаў на дарозе. Усё гэта часам прыводзіць да непапраўных наступстваў.

У студзені-сакавіку 2021 года на тэрыторыі Рэспублікі Беларусь з удзелам мотатранспарту здзейснена 3 ДТЗ, у якіх 3 чалавекі атрымалі траўмы. Разам з тым, трэба адзначыць, што ўжо сёлета на тэрыторыі Віцебскай вобласці зафіксавана адно ДТЗ з удзелам матацыкліста.

13.04.2022 у 19:05 кіроўца 1990 года нараджэння, кіруючы аўтамабілем «МAZDA МРV», у г. Орша на нерэгулюемым скрыжаванні пры ажыццяўленні манеўру левага павароту здзейсніў сутыкненне з рухаючымся ў сустрэчным кірунку мапедам «HORS 057», пад кіраваннем кіроўцы 1985 года нараджэння.

У выніку ДТЗ кіроўца мапеда атрымаў цялесныя пашкоджанні.

Дзяржаўтаінспекцыя заклікае ўладальнікаў мотатранспарту да няўхільнага захавання правілаў дарожнага руху.

Памятайце, перш чым сесці за руль матацыкла, неабходна паклапаціцца аб наяўнасці вадзіцельскага пасведчання адпаведнай катэгорыі. Упраўленне мотатранспартам без адпаведнай катэгорыі цягне накладанне адміністрацыйнага спагнання ў выглядзе штрафу ў памеры ад 5 да 20 базавых велічынь. Тыя ж дзеянні, учыненыя паўторна на працягу года пасля накладання адміністрацыйнага спагнання за такія ж парушэнні, прыводзяць да накладання штрафу ў памеры ад 20 да 50 базавых велічынь або адміністрацыйны арышт. Таксама прадугледжана крымінальная адказнасць за кіраванне транспартным сродкам асобай, якая не мае права кіравання гэтым сродкам, калі гэтае дзеянне здзейснена неаднаразова.

Не варта забываць аб выкарыстанні сродкаў пасіўнай бяспекі, у прыватнасці моташлема, а таксама экіпіроўкі.