Паважаныя жыхары Шумілінскага раёна!

Адміністрацыя Шумілінскай раённай бальніцы для папярэджання неспрыяльных наступстваў сезоннага ўздыму рэспіраторных захворванняў і ў сувязі са склаўшайся ў свеце эпідсітуацыяй з каронавiруснай інфекцыяй прадпрымае шэраг абмежавальных мер, накіраваных на размежаванне патокаў здаровых і хворых пацыентаў. Так, часова абмежаваны планавыя медыцынскія агляды працуючых, адменены дыспансерныя мерапрыемствы, уключаючы дыягнастычныя даследаванні, абмежавана планавая стаматалагічная дапамога. Пацыентам з хранічнымі захворваннямі настойліва рэкамендуецца адкласці планавыя наведваннi ўрачоў-спецыялістаў да нармалізацыі эпідэміялагічнага становішча. Для выпіскі рэцэптаў на прэпараты падтрымліваючай тэрапіі неабходна звяртацца ў рэгістратуру па тэлефоне (5-51-57) - неабходныя рэцэпты вам будуць дастаўлены. У выпадку неабходнасці атрымання выпісак з медыцынскай дакументацыі таксама варта звяртацца ў рэгістратуру па тэлефоне - выпіскі будуць аформлены, іх можна будзе забраць у рэгістратуры ў зручны для вас час. Пры ўказанні вашага электроннага адраса выпіска будзе накіравана туды.

Дзённыя стацыянары сваю працу таксама часова прыпыняюць. Адкладзена планавая вакцынацыя дарослага і дзіцячага насельніцтва, выкананне планавых рэабілітацыйных мерапрыемстваў, уключаючы правядзенне фізіятэрапеўтычных працэдур.

Цяжарным жанчынам планавыя медыцынскія агляды праводзіцца не будуць. Яўка ў паліклініку можа быць пры магчымым пагаршэнні стану або па ўказанні лекара.

Ажыццяўляецца абследаванне і накіраванне на медыка-сацыяльную экспертызу толькі працуючых пацыентаў.

Пры наяўнасці прыкмет рэспіраторнай інфекцыі (уздым тэмпературы цела і/або з'яўленне болі ў горле, катару, кашлю, агульнага недамагання, болі ў цягліцах) неабходна звяртацца да лекара - фельчара, ўчастковага ўрача. Пацыентам з высокай тэмпературай цела (у дарослых вышэй 38 градусаў, у дзяцей і падлеткаў вышэй 38,5 градусаў) рэкамендуецца заставацца дома і выклікаць медработніка да сябе. У выпадку яўкі ў паліклініку такім пацыентам варта накіроўвацца ў кабінет даўрачэбнага прыёму без чаргі.

Пры неспрыяльным эпідэміялагічным анамнезе, то есць магчымым кантакце з чалавекам, заражаным каронавiрусам, знаходжанні за межамі нашай рэспублікі у бліжэйшыя два тыдні, і наяўнасці прыкмет рэспіраторнага захворвання неабходна заставацца дома і выклікаць брыгаду хуткай дапамогі.

Калі пацыента турбуе дыхавіца, яму таксама варта заставацца дома і рабіць выклік лекара (брыгады хуткай дапамогі).

Нашэнне масак настойліва рэкамендуецца ўсім пацыентам з прыкметамі рэспіраторнага захворвання для прадухілення далейшага распаўсюджвання інфекцыі. Калі ў вашым асяроддзі ёсць асобы з прыкметамі рэспіраторнай інфекцыі, таксама выкарыстоўвайце маскі.

Адміністрацыя бальніцы жадае ўсім здароўя! Захаванне пералічаных вышэй мер без сумневу дапаможа справіцца ўсім нам з дадзенай сітуацыяй.

Усе навіны