Прафілактычная кампанія «Летам дзеці ў бяспецы!»

З пачаткам летніх канікул у дзіцяці з'яўляецца больш вольнага часу для прыгод і дзіцячых фантазій. Для таго каб дзіцячыя свавольствы не былі спалучаны з небяспекай, бацькам неабходна правесці з дзецьмі гутаркі аб правілах бяспечных паводзін на дарозе.

Паважаныя дарослыя ўдзельнікі дарожнага руху! Памятайце, што вы ў адказе за сваіх дзяцей. Не забывайце нагадваць рабятам правілы бяспекі паводзін на вуліцах і дарогах. Будзьце самі годным прыкладам, і сумеснымі намаганнямі мы навучым дзяцей правільна арыентавацца на дарозе, захаваем ім здароўе і жыццё.

Паважаныя бацькі, стаўцеся з трапятаннем і беражлівасцю да самага дарагога і самага роднага – сваім дзецям, бо яны – гэта бясцэнны дар нашага жыцця, гэта каштоўнасць, якую вымераць немагчыма. Памятайце, пра гэта! Нястомна паўтарайце з імі правілы руху пешаходаў, веласіпедыстаў, навучайце практычным навыкам паводзін на дарозе. Бо ад вашага ўкладу ў справу будучыні залежыць жыццё вашага сына ці дачкі! Не забывайце, што вы з'яўляецеся аўтарытэтам для сваіх дзяцей, тым на каго яны раўняюцца і каму пераймаюць нават у дробязях. А тым больш у экстрэмальных сітуацыях, калі ад аднаго неабдуманага дзеяння залежыць жыццё.

Усе, што адбываецца з намі, часам залежыць ад нас саміх, ад нашых адносін з людзьмі, з законамі, з сумленнем і гонарам.

Вы едзiце па дарозе, спазняючыся на важную сустрэчу. Ваша галава поўная паўсядзённых праблем і клопатаў. Раптам у межах праезнай часткі з'яўляецца дзіця. Як вы павінны ацаніць падобную сітуацыю? Чаму дзіця можа павесці сябе не так, як дарослы?

У большасці выпадкаў, юныя ўдзельнікі дарожнага руху паводзяць сябе на дарозе так, як рабілі гэта дарослыя ў іх прысутнасці. Але з прычыны таго, што фізіялогія дзіцяцi знаходзіцца на стадыі фарміравання і яшчэ дастаткова не ўстойлівая і рухомая, рэакцыя дзіцяці на пэўную дарожную сітуацыю можа быць зусім іншай, чым у дарослага пешахода.

На паводзіны дзіцяці ўплывае дастаткова вялікая колькасць розных фактараў. Напрыклад, уласцівы большасці дзяцей, так званы «тунэльны зрок», калі дзіця ўспрымае толькі тое, на што непасрэдна накіроўвае погляд.

Калі вадзіцелі будуць улічваць асаблівасці юных пешаходаў і будуць вельмі асцярожныя, то гэта дапаможа нам пазбегнуць вялікай колькасці трагедый на дарогах.

Аддзяленне ДАІ АУС Шумілінскага райвыканкама