Прафілактыка гібелі людзей на вадзе

Для штодзённага забеспячэння бяспечнага адпачынку на водных аб'ектах нясуць службу больш за 1,7 тыс. работнікаў МНС і АСВОД
(гэта 386 вадалазаў, 311 матарыстаў-рулявых, 140 медыцынскіх работнікаў, 872 матроса-ратавальніка на ратавальных станцыях і пастах).

Ахову жыцця людзей на водных аб'ектах рэспублікі ажыццяўляюць 67 ратавальных станцый, 185 ратавальных пастоў АСВОД.

На пастаяннай аснове праводзіцца тлумачальная і прафілактычная работа сярод насельніцтва, накіраваная на максімальна магчымае зніжэнне верагоднасці гібелі людзей на водах рэспублікі. Дадзеная работа праводзіцца з удзелам усіх зацікаўленых органаў, служб і арганізацый.

Работнікі МНС і АСВОД выступаюць у працоўных калектывах, навучальных установах, дзіцячых дашкольных установах, на радыё і тэлебачанні па пытаннях бяспечных паводзін на водных аб'ектах. На ратавальных станцыях і ратавальных пастах АСВОД арганізавана трансляцыя блокаў прафілактычнай інфармацыі праз «гучнагавароцельную» сувязь.

Штодня ў кожным раёне ў межах акцыі «Летні патруль» праводзяцца рэйды работнікаў МНС і АСВОД месцаў адпачынку насельніцтва каля вады, мэта якіх змяншэнне няшчасных выпадкаў.

Штотыдзень з мэтай прыцягнення ўвагі грамадскасці да праблематыкі гібелі людзей на вадаёмах праводзіцца рассыланне смс-паведамленняў грамадзянам.

У мэтах апярэджання і прафілактыкі гібелі людзей на вадаёмах на многіх пляжах краіны рашэннямі мясцовых выканаўчых і распарадчых органаў забаронены продаж і распіццё спіртных напояў.

МНС, АСВОД устаноўлена дакладнае ўзаемадзеянне з органамі ўнутраных спраў. Выстаўляемыя для нясення службы, паблізу вадаёмаў, нарады міліцыі сумесна з ратавальнікамі АСВОД, МНС праводзяць з грамадзянамі тлумачальную работу аб недапушчальнасці распівання спіртных напояў, а таксама знаходжання ў грамадскіх месцах і купанні ў стане алкагольнага ап'янення, купанні ў забароненых месцах, плаванні на не прызначаных для гэтага сродках. Да асоб, якія распіваюць алкагольныя напоі або якія знаходзяцца ў стане ап'янення ў месцах адпачынку грамадзян ля вады, прымяняюцца меры адміністрацыйнага ўздзеяння.

Упершыню ў краіне праведзены авіяцыйныя прафілактычныя рэйды па месцах купання і зонах адпачынку насельніцтва ў мэтах прыцягнення ўвагі людзей да праблематыкі гібелі на вадаёмах, інфармавання аб правілах бяспекі, а таксама выяўлення несанкцыянаваных месцаў купання і парушэнняў правілаў аховы жыцця людзей на водах.

Бягучы радок для ТБ

МНС папярэджвае! Асноўная прычына гібелі людзей на вадзе - уласная бестурботнасць. Ваша бяспека залежыць ад Вас!