Рэспубліканскі турыстычны конкурс «Пазнай Беларусь»

Штогод пад эгідай Міністэрства спорту і турызму Рэспублікі Беларусь, Нацыянальнага агенцтва па турызме праводзіцца рэспубліканскі турыстычны конкурс «Пазнай Беларусь». Конкурс праводзіцца па намінацыям з мэтай садзейнічання развіццю ўнутранага і міжнароднага ўязнога турызму ў Рэспубліцы Беларусь, кансалідацыі намаганняў усіх дзяржаўных органаў, арганізацый, фізічных асоб, занятых у сферы турызму, і заахвочванні дасягненняў у развіцці турыстычнай індустрыі.

Задачамі правядзення конкурсу з'яўляюцца:

- стымуляванне канкурэнтаздольнасці рынку турыстычных паслуг Рэспублікі Беларусь;

- заахвочванне за ўклад у развіццё турыстычнай індустрыі; прыцягненне ўвагі да праблем стварэння і развіцця турыстычнай індустрыі; стварэнне станоўчага вобраза Рэспублікі Беларусь як краіны, прывабнай для турыстаў, экскурсантаў;

- прыцягненне насельніцтва да актыўных форм адпачынку, прапаганда здаровага ладу жыцця; папулярызацыя гістарычных славутасцяў, культурнай і прыроднай спадчыны Рэспублікі Беларусь;

- павышэнне прэстыжу прафесій, занятых у турыстычнай індустрыі; стымуляванне выкарыстання сучасных тэхналогій у турызме.

Удзельнікамі конкурсу могуць быць юрыдычныя і фізічныя асобы, у тым ліку індывідуальныя прадпрымальнікі, якія могуць прымаць удзел у некалькіх намінацыях конкурса.

Конкурс праводзіцца ў тры этапы: рэгіянальны этап конкурсу, рэспубліканскі этап конкурсу і пасяджэнне журы конкурсу.

Рэгіянальны этап конкурсу праводзіцца не раней за 1 кастрычніка і не пазней за 31 кастрычніка.

Усім жадаючым прыняць удзел у конкурсе варта падаць заяўку, форма якой размешчана на сайце Нацыянальнага агенцтва па турызме: https://www.belarustourism.by.