З 15 па 26 ліпеня праводзіцца рэспубліканская прафілактычная акцыя па папярэджанні дарожна-транспартных здарэнняў з удзелам мотатранспарту

З прыходам лета на дарогах нашай краіны з'яўляецца вялікая колькасць жадаючых «паганяць з ветрыкам». Матацыклы, мапеды, скутэры - двухколавыя транспартныя сродкі, якія па душы аматарам хуткасці. Аднак хуткасцю неабходна ўмець кіраваць. Няўмелае кіраванне двухколавым механічным транспартам і няўважлівасць вадзіцеляў прыводзяць да дарожна-транспартных здарэнняў з удзелам мотатранспарту.

У студзені-чэрвені 2021 года на тэрыторыі Віцебскай вобласці па віне вадзіцеляў мотатранспарту здзейснена 9 ДТЗ, у якіх 2 чалавекі загінулі і 8 атрымалі раненні.

Захаванне бяспекі на дарозе - абавязак кожнага ўдзельніка дарожнага руху. Кіроўцам мотатранспарту неабходна памятаць, што перасоўвацца неабходна толькі ў ахоўным гарнітуры і зашпіленым ахоўным моташлеме. Але перш за ўсё, неабходна добра асвоіць навыкі кіравання ў розных дарожных умовах, выконваць хуткасныя рэжымы, правілы манеўравання і не забываць быць вельмі ўважлівымі і асцярожнымі. Як паказвае сумная практыка, самая малая страта пільнасці можа абярнуцца ДТЗ з цяжкімі наступствамі. Перад тым, як выканаць паварот, разварот ці іншай манеўр аўтамабіліст абавязаны пераканацца ў адсутнасці матацыкліста ў спадарожным напрамку і ўключыць паказальнікі павароту.

Артыкул 18.15. Кіраванне транспартным сродкам асобай, якая знаходзіцца ў стане ап'янення, перадача кіравання транспартным сродкам такой асобе або адмова ад праходжання праверкі (агляду)

1. Упраўленне транспартным сродкам асобай, якая знаходзіцца ў стане алкагольнага ап'янення, пры наяўнасці абсалютнага этылавага спірту ў крыві ці выдыхаемым паветры ў канцэнтрацыі да 0,8 праміле ўключна або наяўнасці пароў абсалютнага этылавага спірту ў канцэнтрацыі да 380 мікраграмаў на адзін літр выдыхаемага паветра ўключна -

цягне накладанне штрафу ў памеры ста базавых велічынь з пазбаўленнем права займацца пэўнай дзейнасцю тэрмінам на тры гады.

1. Упраўленне транспартным сродкам асобай, якая знаходзіцца ў стане алкагольнага ап'янення пры наяўнасці абсалютнага этылавага спірту ў крыві ці выдыхаемым паветры ў канцэнтрацыі звыш 0,8 праміле або наяўнасці пароў абсалютнага этылавага спірту ў канцэнтрацыі звыш 380 мікраграмаў на адзін літр выдыхаемага паветра або ў стане, выкліканым ужываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, а таксама адмова ад праходжання ва ўстаноўленым парадку праверкi (агляду) на прадмет вызначэння стану алкагольнага ап'янення або стану, выкліканага ўжываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -

цягнуць накладанне штрафу ў памеры двухсот базавых велічынь з пазбаўленнем права займацца пэўнай дзейнасцю тэрмінам на пяць гадоў.

1. Перадача кіравання транспартным сродкам асобе, якая знаходзiцца ў стане алкагольнага ап'янення або стане, выкліканым ужываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -

цягне накладанне штрафу ў памеры ад пяцiдзесяцi да ста базавых велічынь з пазбаўленнем права займацца пэўнай дзейнасцю тэрмінам на тры гады.

1. Ужыванне вадзіцелем алкагольных, слабаалкагольных напояў ці піва, наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў пасля падачы супрацоўнікам органаў унутраных спраў сігналу аб спыненні транспартнага сродку альбо пасля здзяйснення дарожна-транспартнага здарэння, удзельнікам якога ён з'яўляецца, да праходжання праверкі (агляду) на прадмет вызначэння стану алкагольнага ап'янення або стану, выкліканага ўжываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -

цягне накладанне штрафу ў памеры двухсот базавых велічынь з пазбаўленнем права займацца пэўнай дзейнасцю тэрмінам на пяць гадоў.

Артыкул 18.14. Кіраванне транспартным сродкам асобай, якая не мае права кіравання

1. Упраўленне транспартным сродкам асобай, якая не мае права кіравання гэтым сродкам, а таксама перадача кіравання транспартным сродкам асобе, які не мае права кіравання, -

цягнуць накладанне штрафу ў памеры ад пяці да дваццаці базавых велічынь.

1. Тыя ж дзеянні, учыненыя паўторна на працягу аднаго года пасля накладання адміністрацыйнага спагнання за такія ж парушэнні, -

цягнуць накладанне штрафу ў памеры ад дваццаці да пяцідзесяці базавых велічынь, або грамадскія працы, або адміністрацыйны арышт.

Артыкул 18.13 ч. 11. Упраўленне матацыклам, мапедам на адным коле, а роўна рух, пры якім асоба, кіруючая такім транспартным сродкам, не трымаецца за руль або не трымае ногі на педалях (падножцы), -

цягнуць накладанне штрафу ў памеры ад пяці да дзесяці базавых велічынь з пазбаўленнем права займацца пэўнай дзейнасцю на тэрмін да шасьці месяцаў або без пазбаўлення.

Паважаныя грамадзяне! Калі вы сталі сведкам знаходжання на дарозе веласіпедыстаў, вадзіцеляў мотатранспарту ў нецвярозым стане, альбо сваім паводзінамі яны ствараюць перадумовы да здзяйснення ДТЗ, паведамляйце аб гэтым па тэлефоне 102 або тэлефануйце ў дзяжурную частку АУС Шумілінскага райвыканкама: 5-57-67, 5-51- 91.

Аддзяленне ДАІ АУС Шумілінскага райвыканкама