З красавіка 2022 года ў Віцебскай вобласці з'явіўся від махлярства, ахвярамі якога ў асноўным становяцца пажылыя людзі

Ашуканцы працягваюць прыдумляць розныя спосабы крадзяжу грашовых сродкаў, а грамадзяне ў многіх выпадках праяўляюць залішнюю даверлівасць і няўважлівасць. Так, пацярпелым тэлефануюць і прадстаўляюцца супрацоўнікам праваахоўных органаў або адвакатам і кажуць, што іх сваяк трапіў у цяжкае становішча (напрыклад, стаў вінаватым у ДТЗ). Пасля чаго прапануюць дапамогу ў вырашэнні пытання аб не прыцягненні да крымінальнай адказнасці вінаватага ў ДТЗ і для гэтага просяць перадаць грошы. Для пераканаўчасці ашуканцы перадаюць тэлефон іншаму чалавеку, які ад імя сваяка просіць аб дапамозе. Калі пацярпелы сумняваецца, яму тлумачаць, што яго сваяк пасля аперацыі, таму дрэнна вымаўляе словы. У некаторых выпадках для таго, каб пажылы чалавек не змог зарыентавацца ў сітуацыі, яму паралельна тэлефануюць на стацыянарны тэлефон. «Апрацаваўшы ахвяру», ашуканцы адпраўляюць свайго кур'ера за грашыма. Атрымаўшы патрэбную суму, тэлефанаваўшыяперастаюць выходзіць на сувязь.

Памятайце простыя правілы:

-  заўсёды звяртайце ўвагу на нумар тэлефона, з якога паступае ўваходны званок. Як правіла, ашуканцы тэлефануюць з-за мяжы; - ведайце, што праваахоўнікі не будуць злачынным шляхам вырашаць працоўныя пытанні. А прапанова ашуканцаў, якія прадставіліся праваахоўнікамі, аб перадачы грошай для вырашэння якога-небудзь пытання - гэта злачынства. Не спрабуйце абысці закон;

-  калі вам патэлефанавалі і распавялі вышэйпаказаную або падобную гісторыю - неадкладна спыніце размову і не паддавайцеся паніцы. Ператэлефануйце сваякам на знаёмы вам нумар тэлефона і ўдакладніце, ці ўсё ў іх у парадку;

-  не перадавайце грошы незнаёмым людзям.

Афіцыйны прадстаўнік УСК па Віцебскай вобласці

Аксана Лазько