Запрашэнне на кантактна-кааперацыйную біржу

Паважаныя спадары! 

Запрашаем Вас прыняць удзел у кантактна-кааперацыйнай біржы па тэме: «Уцягванне прадпрыемстваў малога і сярэдняга бізнесу, а таксама іншых зацікаўленых суб'ектаў гаспадарання ў кааперацыйныя ланцужкі пры вытворчасці прадукцыі буйнымі прадпрыемствамі Рэспублікі Беларусь»

Мэты правядзення:

Уцягванне прадпрыемстваў малога і сярэдняга бізнесу, а таксама іншых зацікаўленых суб'ектаў гаспадарання ў кааперацыйныя сувязі ААТ «Лакафарба» г.Ліда.

Арганізацыя ўзаемаадносін кантактна-кааперацыйнай біржы дазволіць удзельнікам аператыўна абменьвацца інфармацыяй аб патрэбах у сыравіне, тары, дапаможных матэрыялах, камплектуючых, наяўных вытворчых магчымасцях і сферах прымянення прадукцыі выпускаемай ААТ «Лакафарба», паслугах, якія аказваюцца таварыствам, улічваючы магчымасці, якія сёння адкрываюцца для беларускіх суб'ектаў гаспадарання, для наладжвання кааперацыйных узаемадзеянняў і разумення неабходнасці выпуску новай прадукцыі ў рамках імпартазамяшчэння.

Напрамкі кантактна-кааперацыйнай біржы:

1. супрацоўніцтва па прымяненні і рэалізацыі лакафарбавых матэрыялаў, клеяў вытворчасці ААТ «Лакафарба».

2. супрацоўніцтва па пастаўцы для патрэб ААТ «Лакафарба» сыравінных пазіцый, тары і дапаможных матэрыялаў;

3. супрацоўніцтва па пастаўцы для патрэб ААТ «Лакафарба» запасных частак, абсталявання, паслуг;

4. супрацоўніцтва па паслугах і вытворчых магчымасцях ААТ «Лакафарба»

Дата правядзення: 31.08.2022 год

Месца правядзення: Гродзенская вобласць, г. Ліда, вул. Ігнатава, 71, будынак заводаўпраўлення ААТ «Лакафарба», 3 паверх, зала пасяджэнняў.

Арганізацыі-ўдзельнікі біржы:

- канцэрн «Белнафтахім»

- прадпрыемствы Рэспублікі Беларусь, у тым ліку прадпрыемствы малога і сярэдняга-бізнэсу

- Беларускі фонд фінансавай падтрымкі прадпрымальнікаў

Мадэратар (ад канцэрна «Белнафтахім») начальнік вытворча-тэхналагічнага ўпраўлення Пракапчук Іван Мікалаевіч

Каардынатар (ААТ «Лакафарба») в.а. намесніка галоўнага інжынера - кіраўнік па рэалізацыі праектаў Серафіновіч Віктар Міронавіч.