Кіраўніцтва раёна адрасуе віншаванне з Днём ведаў і пачаткам навучальнага года

Дарагія рабяты! Паважаныя педагогі і бацькі!

Прыміце самыя добрыя і шчырыя віншаванні з Днём ведаў і пачаткам навучальнага года

1 верасня — выдатны дзень, напоўнены шчаслівымі ўспамінамі і радаснымі чаканнямі.

Для адных дзяцей ён стане першым крокам у свет займальных адкрыццяў, для іншых — фінальнай прыступкай асваення школьнай праграмы. І для ўсіх без выключэння — яркім і запамінальным часам, калі закладваюцца асновы ведаў, правяраюцца здольнасці, раскрываюцца таленты.

Дарагія вучні, няхай навучальны год адкрые перад вамі новы свет цікавых і карысных ведаў, прынясе новыя поспехі і дасягненні!

Паважаныя педагогі, дзякуючы вашаму таленту, мудрасці і цярпенню можна быць упэўненымі — будучыня раёна за разумнымі, самадастатковымі, паспяховымі людзьмі. Няхай дасягненні вучняў будуць вашай асабістай узнагародай, а ваша праца прыносіць радасць і задавальненне.

Адказная роля ў працэсе адукацыі належыць і бацькам. Толькі сумеснымі намаганнямі сям'і і школы можна выхаваць годных грамадзян Беларусі, якія будуць жыць і працаваць на карысць сваёй краіны.

Няхай гэты навучальны год стане шчодрым на цікавыя падзеі і творчыя знаходкі, а школьнае жыццё будзе змястоўным і разнастайным.

Жадаем усім вам моцнага здароўя, невычэрпнага энтузіязму, мэтанакіраванасці і ўпэўненасці ва ўласных сілах.

З пачаткам новага навучальнага года!

Шумілінскі раённы выканаўчы камітэт
Шумілінскі раённы Савет дэпутатаў