Кіраўніцтва раёна накіравала жыхарам і гасцям Шумілінскага раёна віншаванне з надыходзячым 2023 годам

Дарагія сябры! Жыхары і госці Шумілінскага раёна!

Сардэчна віншуем Вас з надыходзячым 2023 годам!

Усе мы чакаем гэта дзіўнае свята з нецярпеннем: яно дорыць нам новыя надзеі і мары, атмасферу асаблівай светлай радасці. Сустракаючы любімае свята, мы марым аб тым, каб усе былі жывыя і здаровыя, родныя і блізкія цешылі нас сваімі поспехамі, каб і ў сям'і, і ў нашым агульным доме панавалі мір, згода і дабрабыт.

Адыходзячы год быў поўны падзей і якія б перад намі не стаялі задачы - мы заўсёды імкнуліся знаходзіць правільныя рашэнні, значныя для нашага рэгіёна.

Хочацца выказаць падзякау ўсім, хто працуе для дабрабыту роднага краю, усім, хто сваёй штодзённай працай робіць унёсак у поспех агульнай справы.

У гэтыя перадсвяточныя дні мы з надзеяй глядзім у будучыню, знаходзімся ў чаканні яркіх падзей і добрых здзяйсненняў. Няхай надыходзячы год будзе годам стваральнай і плённай працы, часам новых дасягненняў.

Шчыра жадаем усім моцнага здароўя, дабрабыту, міру і згоды ў сем'ях. Шчаслівага Новага года!

Шумілінскі раённы выканаўчы камітэт

Шумілінскі раённы Савет дэпутатаў

Усе навіны