Сустрэча кіраўніцтва Шумілінскага раёна з маладымі спецыялістамі
МАЛАДЫЯ
СПЕЦЫЯЛІСТЫ ШУМІЛІНШЧЫНЫ
Цэнтральны
падзеяй сённяшняга дня стала дыялогавая пляцоўка "Платформа
будучага" з удзелам старшыні Шумілінскага раённага выканаўчага
камітэта Сяргея Аляксандравіча Галынчыка, а таксама кіраўнікамі
арганізацый і прадпрыемстваў раёна.
Звяртаючыся да моладзі Сяргей Аляксандравіч адзначыў, што ў дынамічна развіваючымся свеце
трэба не забываць, што мы маем: мірную краіну, багатае гістарычнае мінулае, магчымасць працаваць, развівацца, праяўляць сябе і дасягаць таго,
чаго хочам, таму марыце, стварайце, вяршыце. У нашым раёне створаны выдатныя
магчымасці для станаўлення і развіцця маладых спецыялістаў. Важна, каб вы
замацаваліся на сваіх працоўных месцах і засталіся на Шуміліншчыне.
На сустрэчы абмяркоўвалі:
першыя крокі ў прафесіі і адаптацыю на новым
месцы;
падтрымку маладых кадраў на ўзроўні раёна;
важнасць актыўнай грамадзянскай пазіцыі і ўдзелу
у грамадскім жыцці.
"Маладзёжны
навігатар" - з цяплом і натхненнем!
Пасля дыялогавай пляцоўкі, эстафету прыняў яркі і душэўны "Маладзёжны навігатар".
У фае раённага цэнтра культуры панавала
па-сапраўднаму цёплая атмасфера: за кубачкам гарбаты маладыя спецыялісты працягнулі
знаёмства з Шумілінскім раёнам і адзін з адным.
Гульні, віктарыны, музычныя нумары, жывыя зносіны
- усё гэта стала часткай насычанага мерапрыемства, дзе кожны мог праявіць сябе,
адчуць падтрымку і зарадзіцца пазітывам.
Такія сустрэчы - не проста забаўка, а важны
крок да стварэння моцнай супольнасці маладых, актыўных і натхнёных людзей,
гатовых развіваць родны край.
Святы абавязак - памятаць і шанаваць
Маладыя спецыялісты Шумілінскага
раёна аддалі даніну памяці героям Вялікай Айчыннай вайны, усклаўшы кветкі на
воінскім пахаванні ў г. п. Шуміліна.
У знак глыбокай павагі і
падзякі за подзвіг загінуўшых была аб'яўлена хвіліна маўчання.
У кожнай кветцы - прызнанне подзвігу. У кожным
позірку - абяцанне памятаць. Гэты выраз павагі да подзвігу абаронцаў
Айчыны і напамін пра важнасць захавання гістарычнай памяці.
