Лепшых выкладчыкаў, супрацоўнікаў і студэнтаў ушаноўвалі ў Віцебскай ветакадэміі

Некалькі дзясяткаў выкладчыкаў, супрацоўнікаў і студэнтаў Віцебскай дзяржаўнай акадэміі ветэрынарнай медыцыны адзначаны рознымі ўзнагародамі напярэдадні прафесійнага свята – Дня сельскай гаспадаркі і перапрацоўчай прамысловасці АПК.

- Хто як не вы стаіце ля асноў свята, – звяртаючыся да калег на ўрачыстым пасяджэнні, сказала рэктар ВГАВМ Вольга Горлава, - таму што вы рыхтуеце спецыялістаў для аграпрамысловага комплексу. Паказчыкі ў нашай краіне і па малаку, і па мясе, і па навуковых дасягненнях у галіне ветэрынарыі сведчаць аб вашай адданасці справе і самааддачы.

Рэктар падзякавала студэнтам, працоўныя дынастыі ВНУ за актыўны ўдзел у нядаўнім свяце, арганізаваным да 100-гадовага юбілею ВГАВМ. Дарэчы, за сваю гісторыю ВНУ падрыхтавала 45 тыс.чалавек. Сёння 95 % дзеючых у аграпрамысловым комплексе спецыялістаў з'яўляюцца выпускнікамі Акадэміі.

Даведка «ВВ». У ВГАВМ працуе каля 700 чалавек, з іх 26- – прафесарска-выкладчыцкі склад, навучаецца 3,2 тыс.студэнтаў, у тым ліку 1,7 тыс. на дзённай форме.

Фота Дзмітрыя ОСІПАВА.

Усе навіны