Аграрыі Беларусі нарыхтавалі амаль 30 працэнтаў сенажу

У Беларусі нарыхтавана больш за 4 млн т сенажу, або 28,7 працэнта да плана, у тым ліку ў палімернай упакоўцы 82,6 тыс. т. Колькі травяных кармоў нарыхтавалі ў краіне, карэспандэнт БЕЛТА пацікавілася ў Міністэрстве сельскай гаспадаркі і харчавання.

Нарыхтоўка кармоў для жывёлы рухаецца дынамічна. Паводле актуальных даных, аграрыі рэспублікі правялі першы ўкос траў на плошчы 950,1 тыс. га, што эквівалентна 68,7 працэнта ад запланаванага. Убраны з палёў травы першага ўкосу на плошчы 814,5 тыс. га, што складае 85,7 працэнта да скошанага.

Амаль ва ўсіх абласцях краіны, акрамя Віцебскай, касавіца перасягнула экватар, а ў Брэсцкай вобласці, дзе скошана 93,7 працэнта траў, набліжаецца да фінішу. Набіраюць абароты работы ў Мінскай вобласці, дзе першы ўкос траў выкананы на 83 працэнтах плошчаў, у Гродзенскай - на 79,7 працэнта, Магілёўскай - на 57,8 працэнта і Гомельскай - на 53,3 працэнта. Работнікі аграпрамысловага комплексу Віцебскай вобласці скасілі травы на 33,1 працэнта запланаваных плошчаў. Нарыхтавана таксама 9,09 тыс. т сена - 1,26 працэнта да плана і 192,9 тыс. т сіласу - 0,93 працэнта.

Прадаўжаюць гаспадаркі таксама праводзіць вапнаванне кіслых глеб, паколькі даламітавая мука неабходна для нейтралізацыі празмернай кіслотнасці і падтрымання аптымальнага глебавага асяроддзя. Работы выкананы на 41,5 працэнта ад плана.

БелТА