Шумілінскі раённы выканаўчы камітэт
Адрас райвыканкама:
вул. Кароткіна-10, 211259, г.п. Шуміліна, Віцебская вобл.
Тэлефон прыёмнай:
8
(02130) 5-70-45
Гарачая лінія:
8 (02130) 5-70-45 з 8.00 да 20.00
E-mail:
shumrіc@vitebsk.by
Сайт знаходзіцца ў тэставым рэжыме!
.
16 лістапада 2024
Бранцэвіч: дзяржава стварае максімальна камфортныя ўмовы для паспяховай рэалізацыі бізнес-ідэй
Прадпрыемствам трэба актыўней выкарыстоўваць існуючыя магчымасці для рэалізацыі сваіх інвестыцыйных праектаў. Аб гэтым заявіла намеснік міністра эканомікі Таццяна Бранцэвіч у ходзе рабочай паездкі ў Бабруйск, паведамілі БЕЛТА ў прэс-службе Мінэканомікі.
Намеснік кіраўніка эканамічнага ведамства прыняла ўдзел у пасяджэнні гарвыканкама, прысвечаным вынікам работы арганізацый гандлю за 9 месяцаў 2024 года. Як адзначыла Таццяна Бранцэвіч, гандлёвыя арганізацыі горада ў цэлым паказваюць нядрэнны вынік.
"За 9 месяцаў рознічны тавараабарот вырас на 7,3 працэнта, павялічылася выручка і чысты прыбытак. Гэтыя вынікі садзейнічалі росту рэальнай зарплаты на 13,2 працэнта. У ліку першачарговых задач для гандлёвых арганізацый стаіць неабходнасць забеспячэння наяўнасці шырокага асартыменту прадукцыі, а таксама павелічэння долі айчынных тавараў на паліцах", - падкрэсліла намеснік міністра эканомікі.
Таццяна Бранцэвіч наведала ААТ "Бабруйскі мясакамбінат" і ААТ "Кіруючая кампанія холдына "Бабруйскаграмаш". Інвестыцыйныя праграмы прадпрыемстваў накіраваны на пашырэнне вытворчых магутнасцей, рост аб'ёмаў і асваенне новых відаў прадукцыі.
"Дзяржава сёння стварае максімальна камфортныя ўмовы для паспяховай рэалізацыі бізнес-ідэй, у тым ліку з дапамогай прагрэсіўных механізмаў абноўленага інвестыцыйнага заканадаўства. Прадпрыемствам неабходна актыўней выкарыстоўваць новыя магчымасці для развіцця", - акцэнтавала ўвагу намеснік міністра.
