Пуцін: па ўзаемадзеянні ў падатковай і мытнай сферах паміж Беларуссю і Расіяй знойдзены ўсе развязкі

Па ўзаемадзеянні ў падатковай і мытнай сферах паміж Беларуссю і Расіяй знойдзены ўсе развязкі. Аб гэтым Прэзідэнт Расійскай Федэрацыі Уладзімір Пуцін заявіў у Мінску на пасяджэнні Вышэйшага дзяржсавета Саюзнай дзяржавы, перадае карэспандэнт БЕЛТА.

Прэзідэнт Расіі адзначыў добра наладжаную работу механізмаў практычнага супрацоўніцтва ў Саюзнай дзяржаве. Ведамствы дзвюх краін пры падтрымцы Пастаяннага камітэта СД праводзяць узгодненую макраэканамічную палітыку, садзейнічаюць наладжванню галіновага ўзаемадзеяння, каардынуюць пытанні, звязаныя з функцыянаваннем фінансавых рынкаў і банкаўскіх сістэм. Пры гэтым асаблівая ўвага ўдзяляецца мінімізацыі ўрону ад незаконных заходніх санкцый і іншых рэстрыкцый.

"З аддачай працуюць наднацыянальны падатковы камітэт і міждзяржаўны мытны цэнтр. Мы доўга абмяркоўвалі гэтыя пытанні. Усё ішло няпроста. Вывяралі пазіцыю адзін аднаго да дробязей. Але ў цэлым і з расійскага боку, і з боку нашых сяброў у Беларусі знойдзены ўсе развязкі, рашэнні. І ўпэўнены, што калегі з абедзвюх краін задаволены тым, як працуюць гэтыя механізмы. Яны, безумоўна, у сучасных умовах адыгрываюць карысную ролю і ствараюць умовы для ўпэўненага росту нашых эканомік і руху наперад", - заявіў Уладзімір Пуцін.

Усе навіны