Версия для печати
Размер шрифта:
Фото
Печатать

Рэспубліканская прафілактычная акцыя «Мотарух - без парушэнняў!»

26.04.2021

У студзені-сакавіку 2021 года з удзелам двухколавых транспартных сродкаў здзейснена 9 дарожна-транспартных здарэнняў (2020 - 16), у якіх 10 (2020 - 18) чалавек атрымалі траўмы. Аднак, толькі за два выхадныя днi (10-11.04.2021) на дарогах краіны ў дарожна-транспартных здарэннях з удзелам матацыклістаў загінулі 2 чалавекі. Такія факты мелі месца ў г. Мінску і Гомельскай вобласці.

Нельга не адзначыць, што асноўным фактарам, спрыяючым павелічэнню цяжару наступстваў такіх здарэнняў, з'яўляецца невыкананне патрабаванняў аб выкарыстанні кіроўцамі і пасажырамі моташлемаў пры руху на матацыкле і мапедзе.

Па дадзеных даследаванняў, найбольш частыя ДТЗ з удзелам матацыклістаў сканчаюцца смяротным зыходам - гэта ў 40% выпадкаў вылет матацыкла за межы дарожнага палатна, як правіла, у павароце.

У мэтах папярэджання ДТЗ з удзелам мотатранспарту, іншых механічных двухколавых транспартных сродкаў, а таксама спынення імі парушэнняў Правілаў дарожнага руху, у перыяд з 23 па 30 красавіка 2021 года Дзяржаўтаінспекцыя праводзіць рэспубліканскую прафілактычную акцыю «Мотарух - бещ парушэнняў!».

Дзяржаўтаінспекцыя звяртае ўвагу аматараў мотатэхнікі, што вырашальнай умовай шчасных паездак на матацыкле з'яўляецца строгае выкананне Правілаў дарожнага руху.

Аддзяленне ДАІ АУС

Шумілінскага райвыканкама

© ШУМІЛІНСКІ РАЁННЫ
ВЫКАНАЎЧЫ КАМІТЭТ, 2025.