Версия для печати
Размер шрифта:
Фото
Печатать

З 11 па 18 жніўня 2021 года Дзяржаўтаінспекцыя праводзіць рэспубліканскую прафілактычную акцыю «Беражыце дзяцей!», па папярэджанні дзіцячага дарожна-транспартнага траўматызму

11.08.2021

Рэспубліканская прафілактычная акцыя заклікана прыцягнуць усеагульную ўвагу да праблемы забеспячэння бяспекі дзяцей на вуліцы, захаванню правіл бяспечных паводзін, выкарыстанню святловяртальных элементаў.

У 2021 годзе ў рэспубліцы адзначаны рост колькасці ДТЗ (+4,6%; з 216 да 226) з удзелам дзяцей, загінуўшых (+15,4%; з 13 да 15) і параненых у іх непаўналетніх (+3,6% з 225 да 233).

Дзяржаўтаінспекцыя заклікае вадзіцеляў быць як мага больш уважлівымі пры руху паблізу дзіцячых устаноў, праездзе нерэгулюемых пешаходных пераходаў, прыпынкаў транспарту і ў дварах, а таксама звяртаецца да бацькоў:

Паважаныя бацькі! Не забывайце нагадваць сваім дзецям нескладаныя правілы бяспечных паводзін на вуліцах і дарогах. Дамагайцеся, каб захаванне Правілаў дарожнага руху ўвайшло ў звычку і стала нормай паводзін на вуліцы. Насіце светлую вопратку, каб у цёмны час сутак вас і дзяцей было лепш відаць. Набудзьце налепкі, значкі, кулоны з святловяртальных матэрыялаў. З іх дапамогай кіроўца заўважыць ваша дзіця за 150 метраў, а без іх - толькі ў радыусе 20 метраў.

Беражыце дзяцей і іх дзяцінства!

© ШУМІЛІНСКІ РАЁННЫ
ВЫКАНАЎЧЫ КАМІТЭТ, 2025.