ВЫКАНАЎЧЫ КАМІТЭТ
Абмежаванні на наведванне лясоў дзейнічаюць ва ўсіх раёнах Беларусі. Аб гэтым сведчыць інтэрактыўная карта Міністэрства лясной гаспадаркі, паведамляе БЕЛТА.
У сувязі з умовамі надвор'я абмежаванні ўведзены на ўсёй тэрыторыі рэспублікі. Грамадзян заклікаюць па магчымасці ўстрымацца ад наведвання лясоў, а пры неабходнасці знаходжання ў лесе выконваць правілы пажарнай бяспекі.
Акрамя таго, перад тым як адправіцца ў лес, трэба даведацца аб актуальнай сітуацыі ў канкрэтным раёне. Інтэрактыўная карта на партале ведамства пастаянна абнаўляецца ў залежнасці ад змянення сітуацыі, у тым ліку ўмоў надвор'я.