ВЫКАНАЎЧЫ КАМІТЭТ
У Беларусі ўбрана 170 тыс. га азімага ячменю - 69,3 працэнта ўборачнай плошчы. Аб гэтым паведамілі БЕЛТА ў Міністэрстве сельскай гаспадаркі і харчавання.
Намалочана 647,7 тыс. т з ураджайнасцю 38,1 ц/га, што вышэй за мінулагодні ўзровень. У Брэсцкай вобласці ўбрана 86,6 працэнта плошчаў, Гомельскай - 93,1 працэнта, Гродзенскай - 74,6 працэнта, Магілёўскай - 67,3 працэнта, Мінскай - 53,7 працэнта, Віцебскай - 45,1 працэнта. Па ўраджайнасці ў лідарах Гродзенская (50,7 ц/га), Мінская (45,6 ц/га) і Брэсцкая (45,3 ц/га) вобласці.
Лён выцераблены на 7,95 тыс. га, што складае 16,5 працэнта запланаваных плошчаў. Найбольш актыўна работы разгарнуліся ў Брэсцкай вобласці (убрана 54,3 працэнта плошчы).
Скошана траў на плошчы 593 тыс. га - 55,5 працэнта да плана. Нарыхтавана сена 246,7 тыс. т (34,2 працэнта да плана), сенажу - амаль 9,7 млн т (69,3 працэнта да плана), у тым ліку ў палімернай упакоўцы 244,5 тыс. т. Нарыхтавана 248,3 тыс. т сіласу - 1,2 працэнта. Усяго нарыхтавана травяных кармоў звыш 2,9 млн т кармавых адзінак - 29,1 працэнта да плана.
Акрамя таго, гаспадаркі прадаўжаюць праводзіць вапнаванне кіслых глеб - даламітавая мука неабходна для нейтралізацыі залішняй кіслотнасці і падтрымання аптымальнага глебавага асяроддзя.