ПРЭС-РЭЛІЗ
Культурна-спартыўны фестываль «Вытокi.
Крок ды Алiмпу»
ужо добра вядомы ў многіх рэгіёнах краіны.
12 і 13 жніўня свята адбудзецца ў самым старажытным беларускім горадзе Полацку, які адзначае сёлета сваё 1160-годдзе. Гісторыя нашай дзяржавы на працягу многіх стагоддзяў непарыўна звязана з гэтым цэнтрам беларускай культуры і гісторыі.
Адкрыецца свята прэс-турам для прадстаўнікоў рэспубліканскіх і рэгіянальных СМІ, арганізатараў і ўдзельнікаў (пр. Ф.Скарыны, 13, ГК «Славянскі»; пачатак - у 13.00). У ходзе праграмы прэс-тура запланаваны наведваннi галерэі філіяла нацыянальнага Полацкага гісторыка-культурнага музея-запаведніка на тэрыторыі былога езуіцкага калегіума, мемарыяльнага комплекса памяці ахвяр «Урочышча Пяскі», аднаго з вядучых прадпрыемстваў «Полацак-Шкловалакно», гістарычнага будынка Полацкага дзяржаўнага ўніверсітэта (былой езуіцкай акадэміі).
У першы дзень «Вытокаў» адбудзецца таксама
семінар у
фармаце круглага стала «Актуальныя пытанні падрыхтоўкі спартсменаў
і шляхі іх вырашэння» з удзелам спецыялістаў БДУФК і Вышэйшай школы трэнераў,
спецыялістаў спартыўных арганізацый Віцебскай вобласці (Полацкі дзяржаўны ўніверсітэт, вул. Стралецкая, 4а-4);
15.00). Семінар-практыкум арганізуе таксама Беларуская
алімпійская акадэмія (Полацкі дзяржаўны ўніверсітэт, вул. Стралецкая, 4а-4; 15.00). Падчас правядзення семінара ўдзельнікі пазнаёмяцца з алімпійскімі
каштоўнасцямі і дасягненнямі беларускіх атлетаў на галоўных стартах
чатырохгоддзя.
У гарадскім Доме культуры (вул.Гогаля, 15; 16.00 і 18.00) пройдуць майстар-класы па набойцы на тэму: «Маляванка. Вытокi самабытнага мастацтва», дзе наведвальнікі змогуць азнаёміцца з творчасцю майстроў гэтага віду дэкаратыўна-прыкладнога мастацтва Беларусі, а таксама стварыць памятны сувенір сваімі рукамі.
Маляваные дываны – у перакладзе з беларускай мовы азначае «размаляваныя дываны» – гэта від народнай творчасці, карціны вялікага памеру, напісаныя на даматканым палатне ці мешкавіне чорнага альбо цёмна-карычневага колеру алейнымі або самаробнымі клеевыми фарбамі.
Сярод найбольш вядомых мастакоў, працаваўшых у гэтай тэхніцы, - Язэп Драздовіч. «Маляванкi» ўключаны ў дзяржаўны спіс гісторыка-культурных каштоўнасцей.
Завершыцца першы дзень фестывалю канцэртам арганнай музыкі Валерыя Шмата (ГДК, вул. Гогаля,15; 20.00).
Цэнтральным месцам фестывалю «Вытокі. Крок
ды Алiмпу»
13 жніўня стане Плошча Свабоды. Кожны жадаючы атрымае магчымасць
прыняць удзел у алімпійскім квэсце, паспрабаваць сябе ў спартыўных конкурсах, розных відах спорту, выканаць заданні і атрымаць
каштоўныя прызы (з 13.00 да 17.00).
Для ўдзельнікаў будуць працаваць фуд-корт,
зона сямейнага адпачынку
і выстава-продаж «Беларускія брэнды» (з 11.00).
Спартыўныя пляцоўкі будуць арганізаваны больш чым па 20 відах спорту: бокс, веласпорт, валейбол, баскетбол, лёгкая атлетыка, цяжкая атлетыка, каратэ, кікбоксінг, хакей з шайбай, пажарна-выратавальны спорт, футбол, тэніс, настольны тэніс, гандбол і іншыя. Падчас квэста асаблівую ўвагу арганізатары прапануюць надаць пляцоўцы спартыўнага арыентавання.
На «Вытоках» упершыню будуць прадстаўлены лакацыі расійскіх гарадоў-пабрацімаў Полацка: Вялікага Ноўгарада, Вялікіх Лук, а хлопцы з расійскіх Себежа і Пскова прымуць удзел у алімпійскім квэсце.
У Полацку запрашаюць на свае пляцоўкі таксама Федэрацыя прафсаюзаў Беларусі (ФПБ) і генеральны спонсар Нацыянальнага алімпійскага камітэта Рэспублікі Беларусь ААТ «Белаграпрамбанк».
Міністэрства па надзвычайных сітуацыях (МНС) арганізоўваюць сваю цікавую лакацыю, таксама можна будзе зрабіць сэлфі і на фоне гоначнага грузавіка каманды «МАЗ-СПОРТаўта».
Падчас алімпійскага квэста будуць працаваць пляцоўкі Беларускай алімпійскай
акадэміі, навукова-практычнага цэнтра спорту (РНПЦ)
і Нацыянальнага антыдопінгавага агенцтва.
У вячэрняй праграме фестывалю адбудзецца прэзентацыя калекцый адзення праекта «Роднае – моднае»(17.00) ад беларускіх прадпрыемстваў, дызайнераў і прадпрымальнікаў. Кожны жадаючы зможа таксама набыць прадукцыю беларускіх брэндаў.
На галоўнай сцэнічнай пляцоўцы вызначаць лепшых маладых выканаўцаў у вакальным конкурсе (18.00). Лаўрэаты атрымаюць дыпломы і прызы, а таксама змогуць у далейшым прыняць удзел у майстар-класах вядучых настаўнікаў краіны.
Фестывальная праграма ў Полацку працягнецца 13 жніўня канцэртна-забаўляльнай праграмай з удзелам папулярных артыстаў беларускай эстрады (пл.Свабоды; 20.00). Завершыцца свята ў Полацку яркім феерверкам (23.00).
Фінальным прыпынкам культурна-спартыўнага фестывалю «Вытокi» ў 2022 годзе стане Капыль (26 – 27 жніўня).
Галоўная мэта праекта - раскрыццё патэнцыялу рэгіёна праз спорт, культуру, навуку і адукацыю.
Арганізатарамі фестывалю «Вытокi» з'яўляюцца
Нацыянальны алімпійскі камітэт Рэспублікі Беларусь, Федэрацыя прафсаюзаў
Рэспублікі Беларусь, ТАА «АртХаос» і ТАА «БелБрэндАўдыт».
Уваход на ўсе мерапрыемствы - бясплатны.
Да спіса