Прыміце шчырыя віншаванні з прафесійным святам - Днём ратавальніка
Ваша прафесія патрабуе мужнасці, адвагі, найвышэйшага ўзроўню майстэрства і здольнасці хутка дзейнічаць у экстрэмальных умовах. Ад вашых вывераных і пісьменных дзеянняў часцяком залежаць жыццё, здароўе і бяспека людзей, захаванасць маёмасці і вытворчых аб'ектаў, прыродных багаццяў роднага краю.
Прыміце словы падзякі за прафесіяналізм, смеласць, аператыўнасць і адданасць абранай прафесіі.
Словы асаблівай удзячнасці - ветэранам службы за бясцэнны вопыт, невычэрпную жыццёвую энергію і годны прыклад для маладога пакалення.
Жадаем вам моцнага здароўя, спакойных прафесійных будняў, міру, дабра і дабрабыту! Будзьце мацней кінутых вам выклікаў і беражыце сябе!
Мікалай Будневіч, старшыня Шумілінскага раённага выканаўчага камітэта
Руслан Мацвяйчук, старшыня Шумілінскага раённага Савета дэпутатаў