У Медыяцэнтры Віцебскай вобласці прайшла сустрэча прадстаўнікоў аблвыканкама і дэлегатаў "Сусветнага фестывалю моладзі - 2024"
У Медыяцэнтры Віцебскай вобласці адбылася сустрэча прадстаўнікоў аблвыканкама і дэлегацый "Сусветнага фестывалю моладзі - 2024", якія прадставяць на расійскім форуме Віцебскую вобласць.
Маштабная маладзёжная падзея пройдзе па Указу прэзідэнта Расіі Уладзіміра Пуціна 1 - 7 сакавіка ў Сочы. Фестываль прыме 20 тысяч расійскіх і замежных маладых лідэраў у сферы бізнесу, медыя, культуры, навукі, адукацыі, валанцёрства і дабрачыннасці, спорту, розных сфер грамадскага жыцця, дзіцячых арганізацый. У складзе дэлегацыі Віцебшчыны - 60 навучэнцаў і студэнтаў, прадстаўнікоў працуючай моладзі.
- Ваша задача - годна прадставіць нашу краіну, - са словамі на дарогу да моладзі звярнуўся намеснік старшыні аблвыканкама Вячаслаў Дурноў. - Упэўнены, што вы зможаце дастойна прадэманстраваць дасягненні вобласці і рэспублікі ў цэлым і станеце пасламі добрай волі сярод моладзі многіх краін свету. Гэта будзе вельмі запамінальная падзея. Удзел у такім мерапрыемстве прынясе яскравыя ўражанні і пакіне ў вашым жыцці незабыўны след.
Маладыя людзі актыўна адгукнуліся на прапанову задаць пытанні, якія датычацца ўдзелу ў фестывалі. Іх цікавіла, як праходзіў працэс фармавання дэлегацыі нашага рэгіёна, чаму форум стаў больш маштабным, уражанні былых яго ўдзельнікаў.
Начальнік галоўнага ўпраўлення ідэалагічнай работы і па справах моладзі аблвыканкама Марына Навіцкая падкрэсліла, што ў лік дэлегатаў прысутныя маладыя людзі трапілі не выпадкова - гэта людзі з актыўнай жыццёвай і грамадзянскай пазіцыяй, патрыёты сваёй Радзімы, кожны яскрава і неардынарна праявіў сябе ў студэнцкім або прафесійным жыцці.
Намеснік старшыні Віцебскага гарвыканкама Віктар Глушын, які быў у складзе дэлегацыі вобласці на форуме 2017 года, звярнуў увагу, што дзякуючы сучасным тэхналогіям сёння значна прасцей размаўляць і арганізоўваць такія форумы. У гэтым годзе на Сусветны фестываль моладзі пададзена ў шэсць разоў больш заявак, чым на мінулы. Удзельнікаў форуму чакаюць знаёмства з асобамі сусветнага ўзроўню, наведванне захапляльных інтэрактыўных лакацый, шмат цікавых сустрэч.
Як адзначыў генеральны дырэктар Цэнтра культуры "Віцебск" Глеб Лапіцкі - удзельнік форуму 2017 года, магчымасць паўдзельнічаць у такім цікавым мерапрыемстве, гэта інвестыцыя дзяржавы ў моладзь як у будучыню краіны. Ён заклікаў дэлегатаў быць актыўнымі, удзельнічаць у камандных праектах, праяўляць фантазію і творчы падыход, а па прыездзе падзяліцца сваімі ўражаннямі і эмоцыямі.
В онлайн-формате на встрече также приняли участие представители регионов.
Спикеры пожелали юношам и девушкам быть энергичными, жизнерадостными, инициативными, проявить свои лучшие качества и тем самым способствовать формированию позитивного мнения о Беларуси.
