Дэпутат Палаты прадстаўнікоў Руслан Шкодзін: «У большасці выпадкаў жыхароў Віцебска хвалююць пытанні працы сістэмы ЖКГ»
Якія пытанні хвалююць жыхароў выбарчай акругі, якія законапраекты разгледжаны Палатай прадстаўнікоў Нацыянальнага сходу Беларусі ў гэтым годзе, распавёў у гутарцы з карэспандэнтам «СТСТ» дэпутат Палаты прадстаўнікоў Нацыянальнага сходу Рэспублікі Беларусь, член Пастаяннай камісіі па нацыянальнай бяспецы, палкоўнік Руслан Шкодзін.
- Больш за 70 законапраектаў было прынята за першую сесію Палаты прадстаўнікоў з мая па чэрвень. На разгляд другой сесіі таксама вынесена шмат праектаў законаў, у прыватнасці па карэкціроўцы Крымінальнага кодэкса, – адзначыў дэпутат.
Для сацыяльнай падтрымкі грамадзян Беларусі Палатай прадстаўнікоў у бягучым годзе прыняты Законы «Аб змяненні законаў па пытаннях ветэранаў», «Аб змяненні законаў па пытаннях дзяржаўных дапамог сем'ям, якія выхоўваюць дзяцей», якія прадастаўляюць дадатковыя льготы пэўным катэгорыям грамадзян.
Закон «Аб амністыі ў сувязі з 80-годдзем вызвалення Беларусі ад нямецка-фашысцкіх захопнікаў» прадугледжвае вызваленне ад пакарання і іншых мер крымінальнай адказнасці шэрагу катэгорый асуджаных.
Руслан Шкодзін распавёў, што законапраект абноўленага Кодэкса аб адукацыі праходзіць падрыхтоўку да разгляду ў другім чытанні. Нормы, якія ўвойдуць у выніковы варыянт кодэкса, могуць уступіць у сілу ўжо з 1 верасня 2025 года.
Вялікую ўвагу дэпутат надае працы ў акрузе.
- У большасці выпадкаў жыхароў Віцебска хвалююць пытанні арганізацыі працы сістэмы жыллёва-камунальнай гаспадаркі. Нараканні на працу ЖКГ ёсць не толькі ў Чыгуначнай выбарчай акрузе №19, але і ў іншых акругах, – падкрэсліў Руслан Шкодзін. - Заўвагі датычацца як прывядзення ў парадак падвальных памяшканняў, так і рамонту даху. Папракнуць людзей у тым, што яны не звярталіся ў інстанцыі, нельга. Грамадзяне, прыходзячы да дэпутата, прыносяць звароты, адказы на іх, фатаграфіі.
Дэпутат звяртае ўвагу, што не ва ўсіх выпадках сістэма ЖКГ рэагуе аператыўна на звароты грамадзян, таму ёсць неабходнасць у асобных момантах палепшыць яе працу.
Фота і відэа Пятра ЧЫМКОЎСКАГА.
