Дзіцячы дом сямейнага тыпу адкрылі ў Полацку
У Дзень маці ў Полацку адбылося адкрыццё дзіцячага дома сямейнага тыпу-другога ў Полацкім раёне і 35-га ў Віцебскай вобласці.
Новы двухпавярховы катэдж пабудаваны ў мікрараёне Громы. Тут у сям'і Уласавых будуць пражываць сямёра дзетак-6 хлопчыкаў і 1 дзяўчынка. Для шасці з іх Ганна Уладзіміраўна і Іван Сяргеевіч з'яўляюцца прыёмнымі бацькамі, прычым трое ўвайшлі ў гэтую сям'ю ў гэтым кастрычніку. Самым старэйшым дзецям - 14 гадоў, а самай малодшай Эміліі – 3 года.
Ганна Уласава працуе прыёмным бацькам з 2006 года. За гэты перыяд яна выхавала 14 прыёмных дзяцей. Іван Сяргеевіч працуе электраманцёрам у ААТ «Нафтан».
На цырымоніі адкрыцця прысутнічалі старшыня Віцебскага абласнога Савета дэпутатаў Дзмітрый Дзямідаў, старшыня Полацкага райвыканкама Ігар Марковіч, старшыня Полацкага раённага Савета дэпутатаў Іосіф Грыбовіч, намеснік начальніка Галоўнага ўпраўлення па адукацыі Віцебскага аблвыканкама Алена Багдановіч, дэпутат Палаты прадстаўнікоў Нацыянальнага сходу Святлана Адзінцова.
З прывітальным словам да гаспадароў новага дзіцячага дома сямейнага тыпу звярнуліся Дзмітрый Дзямідаў і Ігар Марковіч. Як прынята на наваселле, яны ўручылі падарункі. - Самае галоўнае, каб тут панавалі любоў, разуменне, клопат адзін пра аднаго, — пажадаў Дзмітрый Уладзіміравіч.
Пасля ўрачыстай цырымоніі з перарэзаннем чырвонай стужачкі гаспадыня Ганна Уласава правяла для гасцей экскурсію па хаце. Затым зносіны ганаровых гасцей з бацькамі і дзецьмі працягнулася падчас чаявання.
Дзіцячы дом сямейнага тыпу-сям'я, якая прыняла на выхаванне ад 5 да 10 дзяцей-сірот і (або) дзяцей, якія засталіся без апекі бацькоў (далей – выхаванцы), у рамках якой муж і жонка або асобныя грамадзяне (далей – бацькі-выхавальнікі) выконваюць абавязкі па выхаванні дзяцей на падставе дагавора аб умовах выхавання і ўтрымання дзяцей і працоўнага дагавора. Такая форма клопату пра дзяцей, якія засталіся без апекі бацькоў, дазваляе не толькі ўладкаваць іх на сямейную форму выхавання, але і забяспечыць пражыванне родных братоў і сясцёр у адной сям'і.
«Полацкі веснік», Фота Віктара ЧАРНЯЎСКАГА
