На ААТ "Віцебскія дываны" адбылася сустрэча кіраўніцтва прадпрыемства з мастакамі-пленэрыстамі з Віцебска і гарадоў Расіі
Днямі ААТ "Віцебскія дываны" гасцінна прыняло ў сябе прадстаўнікоў Асацыяцыі Мастакоў-пленэрыстаў з Масквы, Санкт-Пецярбурга і Віцебска.
На прадпрыемстве ў той дзень прайшоў плэнер. Падчас візіту мастакі намалявалі карціны, якія падарылі прадпрыемству.
- Кожная карціна-гэта адлюстраванне жыцця нашых цэхаў, глыбокае разуменне і павага да прафесіі ткача, - кажа генеральны дырэктар ААТ «Віцебскія дываны» Арцём Лаханкін. - Работы, створаныя таленавітымі майстрамі, наглядна дэманструюць, як мастацкае бачанне можа пераплятацца з працоўнымі буднямі, падкрэсліваючы значнасць ручной працы і майстэрства.
Арцём Лаханкін выказаў сваю шчырую падзяку гасцям і ў знак дружбы паднёс Асацыяцыі падарунак ад усяго калектыву.Дадамо, што ў рамках візіту паміж Асацыяцыяй мастакоў-пленэрыстаў з Санкт-Пецярбурга і Масквы і Упраўленнем спорту і турызму Віцебскага аблвыканкама было падпісана пагадненне аб супрацоўніцтве.
Фота ААТ "Віцебскія дываны".
