Жыхар Віцебска пакараны за замах на забойства з асаблівай жорсткасцю
У Віцебску 44-гадовы мужчына прыйшоў у госці да знаёмага і яго сужыцелькі. У ходзе размовы адбыўся канфлікт, які ледзь не скончыўся трагедыяй. Пракуратура вобласці падтрымала дзяржаўнае абвінавачванне па крымінальнай справе ў дачыненні да 44-гадовага віцябляніна, які здзейсніў замах на забойства з асаблівай жорсткасцю.
- Падчас канфлікту на глебе асабістых непрыязных стасункаў абвінавачаны нанёс знаёмаму два ўдары нажом у вобласць жыццёва важных органаў, - распавядае «СТСТ» пракурор аддзела пракуратуры Віцебскай вобласці Ілля Садоўскі. - За гаспадара дома заступілася сужыцелька. Тады агрэсар ударыў яе нажом у вобласць жывата. Смерць пацярпелага не наступіла па незалежных ад абвінавачанага абставінах, а менавіта з прычыны выканання пацярпелай грамадскага абавязку па спыненні забойства: яна нанесла ўдар у вобласць галавы абвінавачанага. Пацярпеламу была своечасова аказана кваліфікаванай медыцынская дапамога.
Жыхар Віцебска прысуджаны да пазбаўлення волі на 14 гадоў і 6 месяцаў з адбываннем пакарання ў папраўчай калоніі ва ўмовах узмоцненага рэжыму. Прысуд не ўступіў у законную сілу і можа быць абскарджаны і апратэставаны ў апеляцыйным парадку.
