«Зімовы цэнапад» і іншыя: расказваем, якія акцыі і зніжкі чакаюць віцяблян напярэдадні навагодніх святаў
Вялікая падрыхтоўка аб'ектаў гандлю і грамадскага харчавання да навагодніх і калядных святаў завершана. Для задавальнення пакупніцкага попыту ў поўным аб'ёме створаны неабходныя запасы харчовых і нехарчовых тавараў. Прадпрыемствы кандытарскай галіны забяспечылі пастаўку гандлю шырокага асартыменту салодкіх вырабаў у святочным афармленні, а таксама навагодніх падарункаў для дзяцей.
Традыцыйна праводзяцца Ёлачныя кірмашы, кірмашы, распродажы. У Віцебску продаж елак пачаўся з 16 снежня. Кошты на навагоднія дрэўцы такія: на елку вышынёй да аднаго метра – 12,5 рубля, на дрэвы да двух метраў – 15,8, да трох метраў – 22,96 рубля. Дарэчы, у лясніцтвах Віцебскага ПЛГА купіць ялінку можна некалькі танней.
Тэматычнае афармленне вітрын аб'ектаў гандлю і грамадскага харчавання, гандлёвых і абедзенных залаў, а таксама фасадаў і прылеглых тэрыторый цешыць вока. Самы час зазірнуць у гандлёвыя прадпрыемствы, каб набыць падарункі, навагоднія сувеніры і неабходныя прадукты для святочнага стала. І зрабіць гэта ў многіх выпадках можна з выгадай для кашалька, скарыстаўшыся шматлікімі перадсвяточнымі акцыямі і зніжкамі.
Напрыклад, у Віцебскім універмагу зніжкі на свае вырабы прапануюць шматлікія айчынныя вытворцы адзення: ААТ «Бабруйсктрыкатаж», «Алеся», «Жлобінская швейная фабрыка», «Белкрэда», ЗАТ «Світанак» і іншыя прадпрыемствы. Іх секцыі знаходзяцца на трэцім паверсе. У некаторых зніжкі будуць дзейнічаць да 14 студзеня.
ААТ «Віцебскія прадукты» прапануе пакупнікам акцыю «Зімовы цэнапад», у рамках якой на пэўны асартымент кандытарскіх вырабаў, кансерваваны гарошак і іншыя прадукты цэны зніжаны ад 15 да 41 адсотка. Варта звярнуць тут увагу і на тавары, пазначаныя чырвона-зялёнымі цэннікамі «НаРодныя тавары. Навагодняя зніжка».
Сетка «Еўраопт» праводзіць акцыю «Чараўніцтва навагодніх коштаў». Па 22 снежня тут можна набыць са зніжкамі падарункавыя касметычныя наборы, сувенірныя тавары, штучныя елкі. У «Зімовы марафон зніжак» прапануе ўключыцца фірмовая сетка ААТ «Камунарка». Не застануцца пакупнікі без выгадных салодкіх пакупак, зазірнуўшы ў крамы кандытарскай фабрыкі «Спартак». Тут зніжэнне коштаў на пэўны асартымент складае ад 10 да 57 адсоткаў. Але колькасць акцыйнай прадукцыі абмежавана!
