15 студзеня 2025
Продажы пустуючых дамоў у Беларусі ў 2024 годзе выраслі на 40 працэнтаў
У Беларусі ў 2024 годзе прададзена 1369 пустуючых жылых дамоў, што на 40 працэнтаў больш, чым у 2023-м. Статыстыку БЕЛТА агучылі ў прэс-службе Дзяржаўнага камітэта па маёмасці.
За адну базавую велічыню было прададзена 798 дамоў.
Усяго ў гаспадарчы абарот у мінулым годзе ўключана 5340 пустуючых дамоў і 1170 га занятых імі зямель.
Паводле даных Дзяржкаммаёмасці, сёння ў Адзіным рэестры пустуючых дамоў змешчана больш як 23 тыс. аб'ектаў. Да прамога продажу прапануецца 435 дамоў, 312 з іх - за адну базавую велічыню.
