У Беларусі скарэкціравалі дзяржпраграму "Камфортнае жыллё і спрыяльнае асяроддзе" на 2021-2025 гады. Гэта прадугледжана пастановай Савета Міністраў ад 9 ліпеня 2025 года нумар 377, паведамляе БЕЛТА са спасылкай на Нацыянальны прававы інтэрнэт-партал.
Уносяцца змяненні ў пастанову Савета Міністраў ад 28 студзеня 2021 года нумар 50 і ад 23 кастрычніка 2023 года нумар 716. Па некаторых пазіцыях павялічана фінансаванне, а таксама абноўлены пералікі кацельняў, якія пераводзяцца на выкарыстанне ў якасці паліва драўняных гранул (пелетаў), рэгіянальных аб'ектаў па сартаванні і выкарыстанні ЦКА, уключаючы вытворчасць прэ-RDF-паліва і RDF-паліва, і палігонаў для іх пахавання.
Пастанова ўступае ў сілу пасля афіцыйнага апублікавання.
Дзяржпраграма накіравана на далейшае развіццё жыллёва-камунальнай гаспадаркі (ЖКГ), сферы бытавога абслугоўвання, павышэнне даступнасці энерга- і газазабеспячэння ў населеных пунктах. У праграму ўключана 7 падпраграм: "Даступнасць паслуг", "Добраўпарадкаванне", "Эфектыўнае цеплазабеспячэнне", "Рамонт жылля", "Чыстая вада", "Мэта 99", "Развіццё электраэнергетыкі і газіфікацыі населеных пунктаў".
Для рэалізацыі праграмы распрацаваны комплекс мерапрыемстваў, у іх лік увайшлі: прадастаўленне насельніцтву льгот па аплаце ЖКП, безнаяўных жыллёвых субсідый, распрацоўка і ўдасканаленне тэхнічных нарматыўных прававых актаў у сферы ЖКГ, набыццё і замена ліфтаў, будаўніцтва водазаборных свідравін, удасканаленне сістэм абыходжання з камунальнымі адходамі і інш.
Да спіса