У Беларусі пачалі сяўбу цукровых буракоў і рапсу, паведамілі БЕЛТА ў Міністэрстве сельскай гаспадаркі і харчавання.
Цукровых буракоў пасеяна 6,36 тыс. га (амаль 6 працэнтаў да плана), яравога рапсу - крыху больш за 1 тыс. га (3,34 працэнта да плана). Прадаўжаецца сяўба ранніх збожжавых і зернебабовых (без кукурузы, грэчкі, проса) - планавыя заданні выкананы на 60,2 працэнта. Тэмпы работ перасягаюць мінулагоднія.
У Брэсцкай вобласці збожжавыя пасеяны на плошчы 97,7 тыс. га, у Віцебскай - 14,7 тыс. га, у Гомельскай - 50,3 тыс. га, у Гродзенскай - 69,5 тыс. га, у Мінскай - 61,8 тыс. га, у Магілёўскай - 55 тыс. га.
Лён-даўгунец пасеяны на 5,32 тыс. га (11 працэнтаў да плана).
Першая падкормка азімых практычна завершана, вядзецца другая. Паводле даных на 1 красавіка, назапашана 834,4 тыс. т дзеючага рэчыва мінеральных угнаенняў, што складае 71,5 працэнта ад плана.
Вышэйшыя за мінулагоднія і цяперашнія тэмпы работ па закрыцці вільгаці на палях. Вядзецца вапнаванне кіслых глеб, уносяцца арганічныя ўгнаенні.
Да спіса