ВЫКАНАЎЧЫ КАМІТЭТ
15-16 ліпеня 2022 года Віцебская вобласць прыме гасцей X Міжнароднага эканамічнага форуму ”Інавацыі. Інвестыцыі. Перспектывы.“.
Юбілейны Форум упершыню пройдзе ў даты правядзення Міжнароднага фестывалю Славянскі базар у Віцебску. І ўпершыню пляцоўкай правядзення Форуму будзе тэрыторыя створаная ў мэтах прыцягнення айчыннага і замежнага капіталу, прагрэсіўнай тэхналогіі і кіраўніцкага вопыту - тэрыторыя СЭЗ Віцебск. Месца правядзення Форума - Дзелавы цэнтр "Журжэўскі", г. Віцебск, вуліца 1-я Журжэўская, 19 Г.
Мэтай юбілейнага Форуму стане садзейнічанне адаптацыі суб'ектаў прадпрымальніцтва да працэсаў і вынікаў сучасных міжнародных рэалій на аснове аналізу сучасных магчымасцей і пошуку перадавых тэхналогій і пабудоў новых мадэляў узаемадзеяння на рынку. Тэма Форума - ”Пытанні імпартазамяшчэння пры рэалізацыі інавацыйных праектаў“.
Праграмай Форума прадугледжаны ўдзел як у рэжыме відэаканферэнцсувязі і ў віртуальнай выставе на інтэрнэт-пляцоўцы, так і паралельна будуць праходзіць вочныя мерапрыемствы: выставы, канферэнцыі, b2b перамовы, біржа субкантрактацыі. Дзелавая праграма Форума будзе працягнута ўдзелам у святочнай праграме Славянскага базару ў Віцебску.
Удзел у Форуме пацвердзілі 15 дэлегацый Расійскай Федэрацыі, дэлегацыі з Рэспублікі Крым, Рэспублікі Індыя, Ісламскай Рэспублікі Іран. Вялікая цікавасць праяўлена з баку бізнесу Рэспублікі Беларусь - больш за пяцьдзесят удзельнікаў.
У рамках Форума адбудзецца падпісанне васьмі пагадненняў.
СЭЗ «Віцебск» у рамках урачыстага адкрыцця Форума падпіша:
- Пратакол намераў па стварэнні вытворчасці электратэхнічных вырабаў з кампаніяй "Цэнтр будаўнічай камплектацыі" (Расія);
- Пагадненне аб супрацоўніцтве з фондам «Сколкава» (Расія);
- Дагавор аб дзейнасці ў якасці рэзідэнта СЭЗ "Віцебск" з ТАА "Арые Гальваметал" (Іран, Расія) (гарачае цынкаванне);
- Пагадненне аб супрацоўніцтве з ТАА "Праект-М" (Беларусь).
У рамках круглага стала жанчын-прадпрымальнікаў Віцебскай вобласці і жанчын прадпрымальнікаў Расійскай Федэрацыі па тэме ”Нефармальнае ўтварэнне жанчын прадпрымальнікаў. Субкантрактацыя па сродкам пабудовы камунікацый і кааперацый” будзе падпісана пагадненне паміж Беларускім саюзам жанчын Віцебскай вобласці з Тульскай рэгіянальнай грамадскай арганізацыяй садзейнічання развіццю бізнэсу «Клуб жанчын прадпрымальнікаў».
На міжнароднай канферэнцыі ”Навука. Тэхналогіі. Інавацыі“, ”Роля сістэмы адукацыі ў інавацыйных распрацоўках“ будуць падпісаны пагадненні:
- Санкт Пецярбургскі ўніверсітэт Расійскай акадэміі пры Прэзідэнце Расійскай Федэрацыі "Расійская акадэмія народнай гаспадаркі і дзяржаўнай службы" і Віцебскі дзяржаўны ўніверсітэт імя П.М. Машэрава.
- Дзяржаўная ўстанова дадатковай адукацыі дарослых “Віцебскі абласны інстытут развіцця адукацыі” і АГБУ ДВА “Курскі інстытут развіцця адукацыі” (фармат анлайн)
- УА “Віцебскі дзяржаўны тэхналагічны ўніверсітэт” і ФДБОУ ВА “Смаленскі дзяржаўны ўніверсітэт”.
Ва ўрачыстым адкрыцці Форума прымуць удзел ганаровыя госці:
Дзяржаўны сакратар Саюзнай дзяржавы Расіі і Беларусі Мезенцаў Дзмітрый Фёдаравіч
Намеснік Прэм'ер-міністра Рэспублікі Беларусь Петрышэнка Ігар Віктаравіч
Надзвычайны і паўнамоцны пасол Расійскай Федэрацыі ў Беларусі Грызлоў Барыс Вячаслававіч
Старшыня Дзяржаўнага камітэта па навуцы і тэхналогіях Рэспублікі Беларусь, кандыдат ваенных навук Шлычкоў Сяргей Уладзіміравіч
Намеснік Віцэ-прэзідэнта па рэгіянальным развіцці і ўзаемадзеянні з СНД фонду "Сколкава" Акунёў Аляксандр Анатольевіч
Намеснік Старшыні Савета Міністраў Рэспублікі Крым - пастаянны прадстаўнік Рэспублікі Крым пры Прэзідэнце Расійскай Федэрацыі Мурадаў Георгій Львовіч.
Урачыстае адкрыццё юбілейнага Форума ўзначаліць Старшыня Віцебскага аблвыканкама Субоцін Аляксандр Міхайлавіч.
Генеральны Партнёр X Міжнароднага эканамічнага форуму ”Інавацыі. Інвестыцыі. Перспектывы.“ – РУП "Віцебскаблгаз".
Лепшыя прадпрыемствы і арганізацыі Віцебскай вобласці (больш за пяцьдзесят) прадэманструюць свае распрацоўкі і высокатэхналагічную прадукцыю, узоры імпартазамяшчальнай прадукцыі з мэтай пошуку новых партнёраў для рэалізацыі сумесных інвестыцыйных праектаў.
Унікальнасць праводзiмых мерапрыемстваў - у стварэнні шматфункцыянальнай інтэрактыўнай платформы, якая дазваляе аб'яднаць удзел вочна прысутных гасцей Форума, анлайн зарэгістраваных удзельнікаў, экспанентаў віртуальнай выставы і экспанентаў вочнай выставы.
Віртуальная выстава Віцебскай вобласці - новы інструмент дыджытал маркетынгу для прасоўвання кампаніі і брэнда. Эфектыўнасць дадзенай пляцоўкі ў тым, што яна не абмежавана месцам і часам: з любога кампутара, у любы час сутак зацікаўленыя наведвальнікі змогуць атрымаць у поўным аб'ёме ўсю неабходную інфармацыю аб выпускаемай прадукцыі, прадстаўляемых паслугах, пошуку партнёраў у бізнэсе з арганізацыямі і прадпрыемствамі Віцебскай вобласці.
Віцебскі Інвест-Форум - гэта месца, дзе ідэі і жаданні бізнесу сустракаюцца з магчымасцямі і падтрымкай дзяржавы. Гэта месца, дзе кожны год мы адсочваем дасягненні Віцебскай вобласці, вызначаем новыя перспектывы росту, развіцця і партнёрства.
Сачыць за навінамі Форума можна на сайце праекта - www.iipvit.by, а таксама на сайце YouTube канале "Бізнес дыялог" https://www.youtube.com/channel/UCUHvH1wnZf3gYYelPVQNdhQ.
ПРАГРАМА правядзення X Міжнароднага эканамічнага Форума ”Інавацыі. Інвестыцыі. Перспектывы.“
З павагай,
Аргкамітэт IX Міжнароднага эканамічнага форуму
”Інавацыі. Інвестыцыі. Перспектывы.“