Паважаныя воіны-інтэрнацыяналісты, члены сем'яў абаронцаў Айчыны, якія выконвалі інтэрнацыянальны абавязак!
15 лютага мы адзначаем Дзень памяці воінаў-інтэрнацыяналістаў і 37-ю гадавіну вываду савецкіх войскаў з Афганістана.
Мужнасць і гераізм нашых салдат не маюць тэрміну даўнасці і ва ўсе часы вартыя глыбокай павагі. Выконваючы свой інтэрнацыянальны абавязак, вы прадэманстравалі адданасць сваёй краіне, вайсковую доблесць, самаадданасць і ўзаемадапамогу.
Паважаныя ветэраны баявых дзеянняў! Сёння вы надзейныя памочнікі ў справе ваенна-патрыятычнага выхавання моладзі, з'яўляецеся той аб'яднаўчай сілай, якая ўтварае злучаючую нітку паміж маладымі жыхарамі Шуміліншчыны і пакаленнем пераможцаў. Вы не застаяцеся ў баку ад важных спраў, прымаеце актыўны ўдзел у жыцці раёна, захоўваеце вернасць баявому братэрству.
У гэты памятны дзень жадаем вам моцнага здароўя, дабрабыту, міру і згоды на роднай зямлі!
Мікалай Будневіч, старшыня Шумілінскага раённага выканаўчага камітэта.
Руслан Мацвяйчук, старшыня Шумілінскага раённага Савета дэпутатаў.